مصطلاحات سديراويه

هذا طلب من مديرنا الفاضل ...,,,

اليوم جايب لكم قاموس اللهجة
السديراوية<<<يالبى قلوبهم والله بدون قصور بالباقي

ماأطول عليكم..اترككم مع الموضوع...


*قاموس أهل سدير* لغير الناطقين بها


*ملاحظه:يمطون آخر حرف من الفعل الماضي عند
السؤال..مثل:جيتا,رحتا,صليتا؟...الخ

أما بالنسبه للفعل المضارع..يكون بإضافة تاء زائده في أول

الفعل..مثل:تتروح,تتقهوى....الخ
( اذا صليتا هيتا تلقى العشا في البيت ) <<عبارة سديراوية بحته

قوه:هيا بنا
=>"قوه للمسجد"

ناه: اسمع
=>"ناه..أحاتسيك!"

هماه:فهمت؟

هيتوا لنا: تعالوا لنا بمعني زورونا

سيروا علينا:زورونا

ماراد الله: إذا شاءالله

زمل: شايل هم

آراه وفي روايه وراااااه؟ : ليش ،ليه،لماذا؟

يويدز(يويق): يطل

باصقه: ماصله أي بمعنى بارده

صايل: معصب

انجزوا: عجلوا

حنا: نحن

يزهم: يتصل بالتلفون
ازهم على محمد خله يجي هع

خرع: كسر
=>"خرعت الشنطه كتفي"

همين: ثم=للتعقيب

تسيف : للتعجب!

دلي: سوف ;سيكون"للمستقبل القريب"
=>دلي تجونا إذا سكنتوا جنبنا

دوتس: تفضلي أي خذي
=>دوتس الماعون(الصحن او الطبق)

وش أمره ذا؟: ماذا دهاه؟


مشرع: <مع تشديد الراء>
مفتووح بشكل واااسع
=>الباب مشرّرع

ألفيت: بين الحينة والأخرى
=>كلما ألفيت لك يوم سير علينا

بلى: لأن
=>ماجيت بلاني تعبانه

وش حيثها: وش زودها
=>وش حيث دحيّم عنده جوال<<<قاطعن قلبه هالجوال خخخخ

زد: قد
=>زد شفتك من قبل؟

زدي الباب: ردي الباب(^_^)

خنبقه:مهزله

فيذا:هنا

دزه:ادفعه

افهزدها:ابعدها
انفهدز (انفهق) : انقلع
انفهدز يامحيميد عن وجهي

امعطه:اسحبه بقوه

أمز:أرز يعني رزّه
سويره أطول وأمز مني

ماش:الوضع لايطمئن
ماش ماارتحت لها

مسخن:تعبان أي مريض

اهنا أحد :تفيد الاستنكار!
اهنا أحد يسوي تسذا!

دزحلت بها: حامت كبدي منها;أي مليت

اقحص: أي انهض بسرعه
=>يالله اقحص..كودك تلحق على الصلاه

كوده: أي عساه
=>ذكرت في المثال السابق

قطيشه:قطيعه
=>دعوه تقال عند الغضب

مير: مالقيت لها معنى
تستخدم للربط بين الجمل


ياهووه ياحلوين الموضوع مفتوح للي في راسه أي كلمه يكتبها مع الترجمه وياليت للتوضيح يذكر مثال..

الموضع ملطوش مع بعض الاضافات

أخوكم
مكسور الجناح

مشكوووووووووووووور

يعطيك الف عافيه يالغالي والنعم بسدير واهلها

يابووووووووو الشباب كان حطيت اي ديرهـ غير ذولي المهايطيه يابن الناس


مادنيهم ماحبهم ياخي ذولي شعب متخلف من جد


معليش اليحبيب بس الحب من الله وانا ذووولي ماحبهم خير شر


ماني قايل لك تقبل مروري اكيد زعلان بس بكيفك (كيفي ماحبهم)اسف ان جرحتك

مشكوووووووووووووووووووووووووووووووور